لا تقطفي. .بقلم الشاعر. .صبحي ياسين

{مجرد شخبطة}
صحيح تاهت ملامحنا
و فين احنا
بنضحك .. بس جوانا
ألم و أنين
و نهرب ساعة من روحنا
لأفراحنا
و نجرى نلاقى قدامنا
دموع العين
و تبقى الفرحة جايه لنا
و أحوالنا
بتشيك لنا
من اللايمين
يعيش الحزن جوانا
فيلقانا
نقاسى التوهة جوانا
مع التايهين
**********
يا ريت من تانى أيامنا
ترجع لينا أحلامنا
تداوى جراحنا و ألامنا
بشوق و حنين
نسيب الدنيا لو جارحة
نحس بضحكة أو فرحة
تكون سارحة
مع البساتين
و ننسى الحزن و الآهه
تاخدنا الضحكة وياها
و نهواها
نعيش الفرح لو ساعتين
(احمدسيداحمد)