-------------------
بالأمل هنعيش ونحلم
بالسعادة فين .... تكون
مهما كان الليل .... مغيم
والدمعة حايره ف العيون
أكيد هاتيجي شمس بكرا
تشق ضلمة ...... الغيوم
ليه يا فجر يا اللي غايب
سيبنا تاهت ... خطاوينا
في دجى الليل الحزين
آه لو تحن ف يوم علينا
تداوي قلوبنا المجروحين
كثير الظلم علم .... فينا
بس بالأمل ... متمسكين
بكرا الفجر بنوره .. يطلع
والأذان في ودانا ...يكبر
يصحي عيون ....الغفلانين
والغايب أكيد .... هايرجع
لحضن أمه مليان .... حنين
هنحلم بحصان ابيض جميل
وبنت لبسه طرحه بيضه
مفروشه فل وياسمين
وعريسها فارس ... خيال
في ايده حنه .. ووردتين
يحني اديها .... وبالكحل
يزين عيونها ....الدبلانين
والورد بلون ... الوجنتين
وضحكة من القلب صافيه
نغم بين شفايف متبسمين
ياخدها بين .... أحضانه
ويدوب جليد البعد والأنين
وهو حلم مش كتير علينا
نحلم ببكرا وعيونا مفتحين
بكرا جايب لينا ...... خيره
بالايدين ......... الشقيانين
إيد تدافع ...... وإيد تداوي
وإيد تطبطب يوم علينا
وإيد بتمسح دمعة نزلت
....... م العنين ........
بالأمل هنعيش ونحلم
بالسعادة فين تكون ........
::::::::::::::::::::::::::::::::::::
#بقلم_حنان_محمدعبدالعزيز