الزمن دوار
بيك او من غيرك ماشى
بس انت اكيد ولا تدراشى
ولو توزنها بساعة صفا
تلاقيها يا عينى متسواش
تبيع بتمن تبيع ببلاش
نخسر بعض او نكسب
الدنيا علينا ما واقفاشى
تحب بجد او متحبش حد
لما العمر يعدى يفوت
وناس معانا نفس السكه
مبتفرحش لكن بتموت
عمر العيشه ما كانت قوت
ولاعمر اللحظه الحلوه
جابت مال بيبنى بيوت
الدنيا اتخلقت علشان تتعاش
مش علشان يعدى العمر
ولا يضيع ويفوت ببلاش
اضحك مره فى وشى
خلى الدنيا معانا تمشى
مطلوب منا نحب ونفرح
مش تجرحنى او انا اجرح
نفرح مره ونحزن مره
ولما نلاقى الصبح بيطلع
على بعضينا اكيد هنصبح
كفايه علينا شيل الهم
انا كان نفسى انك تفرح
لما بيجى علينا الفرح
بيضيق بينا ما بنلقاش مطرح
طب فرحنى او انت افرح
الشاعر /عزالدين جبريل
