لا تقطفي. .بقلم الشاعر. .صبحي ياسين

القصيده

____________________

بدون قوافي ولا وزن

والقلم
سباح في حاله غرق

والكلام معاند 
واللقمه فيها ريحه عرق

حروف وتشبه طير
لكنه كاره ورق

والدنيا تشبه رحايه
والعضم مطحون
لكنه فيه الرمق

وايه يفيد النظر
لكفيف
وعيونه صابها الأرق

من ٤٠ حول
معرفش طعم الهنا
عاش الفراق مكلوم
والقلب منه أتحرق

أنا اللي شلت الهم
من اول قميص الدم
ياولدي
وعلشان في يوم ترجع
لازم سنين نفترق

الحزن كان مكتوب
سنين وراها سنين
لسه الجراح بتآن
ورساله لعزيز مصر
جياله من يعقوب
مكتوبه بدموعه
لو قلبه كان صوان
لازم في يوم هيحن

أصل الحكايه كدب 
من أول البير والديب
ولأخر السجن
يا أيها العير
أزاي أخوكم سرق

شداد