دنيا بتمشى بعرض وطول
من أفعالها بقيت مغلول
ساقية عواجها لكل الناس
للغلبان قبل المسطول
دنيا عجيبة مافيهاش طيبة
عن ألاعيبها الشرح يطول
قادرة تعلى وقادرة توطى
حبة بغاشة وساعات فول
واللى هيمشى فيها بزمة
ف البلاصى يعيش مشتول
مهما يفلفص مش راح تشفع
ولا غير همه بكره يطول
حسى يادنيا وخفى شوية
ع الغلبان ليه مستقويه
ألفين مرة بتيجى عليا
والحنجلى ع الراس محمول
كل ما أرن تكنسلى ليا
تيجى لعندى ومستكفية
شايلة ف قلبك ومعبية
والتليفون يديلى مشغول
هو طريقك ليه مش سالك
كل دقيقه تبدلى حالك
قصدانى ليه أنا مالى ومالك
راميانى ليه ف طريق مقفول
كلمات الشاعر محمد ثروت