لا تقطفي. .بقلم الشاعر. .صبحي ياسين

صعب انساك
وانسى ايامي
الحلوة معاك
صعب اقولك
تاني واحشني
وقلبي وروحي
وعمري فداك

صعب انساك

انت السبب ف البعد
انت اللي خنت الوعد
بقسوتك و جفاك
وكل مرة ارجع ليك
يأمرني قلبي
إن اراضيك
ولو خالفته
يسهر عيني
ويبكيني
ويوريني الويل
كل نهار وليل
وف العذاب
يرميني

صعب انساك

ما انت عارف
قلبي حبك قد ايه
ليه بتبعد
وتهد الأمل
اللي بعيش عليه
وليه تقرب مني تاني
بعد ماقلت ابعد وانساني
وحلمنا نرجع نبتديه

لو كنت ناوي تتغير
وقلبي تصونه
وتحافظ عليه

خدني ف حضنك قويني
فراقك أنا مش قادر عليه
عوضني عن كل اللي فات
نسيني أوجاع الآهات
عيشني تاني الذكريات
صحيلي قلبي
اللي بعدك مات
خليني اتكلم
واتغلب
على كل السكات

رجعلي الفرحة ف عيني
قربك مني بيحييني
صعب انساك
صعب انساك
كلمات / إسلام عامر