لا تقطفي. .بقلم الشاعر. .صبحي ياسين

قصيدة بعنوان...... الدم واحد

فى كل شارع مدنه وكنيسة
ونفوس تسامح وقلوب حسيسة
يااللى ف عقولكوا أفكار خبيثة
واللى يجادلكم هيعيش فريسة
عاش عم حنا وعم صالح
فى ود بينهم مالى المطارح
وفوق كتافهم شالوا الطرايح
والحق باقى والجهل رايح
واللى يعادينا مش حد فينا
عايز يغرق بينا السفينة
يضرب كنايس يحرق مساجد
وأخويا واقف وأبويا ساجد
والضربة واحده والدم واحد
والحزن تبت فى عيون حزينة
بس اللى باقى إحساس مالينا
مصر الأبية أحضانها لينا
وبتدى أحمد وتحب مينا
والحق بكره هتجيبه بينا
يانفوس غريبة فاكرينها سيبة
أفعالكوا سوده طايشه وعجيبة
عايزينها فتنه والله عيبة
أخرةطريقكوا هتلاقوا خيبة
نوياكوا فيكوا مردوده ليكوا
ولو نسيتوا أقروا ماضيكوا
وأحيوا الضماير لو لسه فيكوا
يمكن تشوفوا بينكوا الحقيقة

كلمات الشاعر محمد ثروت