كانت عيشيتنا امان
والحيطة ليها ودان
واللى الزمان يقتله
بتدفنه الغربان
اتبدلت الأحوال
وخلاص بقينا غيلان
واللي الزمان يدفنه
بنكشفه ويبان
كان اللى عنده هدوم
على قده بتدفيه
ويجيب عيال بالكوم
وفلوسه بتكفيه
ولا عمر واحده ف يوم
اكلت ودان جوزها
ولاحد دس بارود
لاخوه يفرتك فيه
نادر ماكنت تشوف واحد
ل ابوه مجافيه
وان راحله مره البيت
بالحضن عبط فيه
والام لو تشكيه
على ركبه يحبى لها
تفضل تأنب فيه
و يا تِبكى ياتْبَكْيه
والفاتحه والاخلاص
والرقيه كات تشفيه
وان جالنا ساكن يوم
يجاورنا بنعشيه
وتجيبله عود وبخور
ونبخره ونِرقِيه
وان كان ف اول دور
ننزل له ونرقِّيه
كان لسه فينا الخير
والجيره للجيره
دلوقتى كله جديد
قشره ودهب عيره
وان شوفته م الشباك
بيقوللى يااسمك ايه
واحنا اللى كونا زمان
على اسمه بنسميه
الست جوه البيت
كات راضيه بحقوقها
رقعه بفتلة خيط
تلضم وتلفوقها
واللقمه كات تِنْباس
لو فوتنا من فوقها
والشهم كان يندار
ع العاصيه يخنقها
الجبنه م البقال
نلحسها وندوقها
والميه جوه الزير
كونا بندلقها
والمهر كان كردان
والشبكة جوز حلقان
وحصيره للعرسان
والمولى يرزقها
كانت الخيارايه
خاضره بطعم ولون
والشنطه والدايه
قطنايه اوسافلون
وان جه لحامل وحم
بتشم ريحة التوم
دى الوقتى متوحمه
ع الديزنى والكارتون
الخضرة كانت
خضرا وبعروقها
والفاكهه كانت
تيجى على شوقها
والدنيا كان
ليها فى إيدنا زمام
نركب على ضهرها
نسايسها ونسوقها
الفرن كان فى الغيط
والعشه فى بيوتنا
والضحكه هيا الدوا
والشقه ملكوتنا
فوق سطح بيتنا
نرص غلتنا
واللي يعيش جنبنا
كان عمره ما يفوتنا
ياما نمنا من غير غطا
والمش كان قوتنا
والفقر ويا المرض
عمره ما موتنا
كانت أمورنا كلها ماشيه
حتى البغال تحتنا
كات راضيه رفصتنا
كانت زمان أمي
تدلعنى
وان قولت هاقعد
ابنى يوسع لي
وكان ابن بنتي
بيحترم سني
وان قولت كونا وكان
مايقولش إيه ياعنى
الصبر وياالرضا
كانوا سر قوتنا
بهواده كان مشينا
والهمس كان صوتنا
ولو سكتنا
بيفهمونا الناس
حتى طيور البيت
كات فاهمه لغوتنا
كنت أمشى فى الشارع
واعدى مش خايف
عربيه طايشه تشيلنى
أو شباب هايف
دلوقتى فوق الرصيف
طالع يروعني
وان شفت بعمل نفسي
مش شايف
عمري ما كنت اشتكى
من حاجه توجعني
أو أجرس ابني واقول
ياناس مجوعنى
كان راس مالي
عيالي والهدمه
وان قولت كلمه
مراتى تسمعني
كانت زمان المدرسه
لها حوش
وما كنش فيه فهلوه
ولا شغل حلق حوش
ولاكانش يقدر
أى حد يغش
وما كنش فيها
مدرسين بكروش
كان جارى يزعل
لوماناسبنيش
ويعيش معايا مشاكلي
مايسبنيش
وان جيت فى يوم
فى مناسبة ونسيته
بيجيلى بكره يقول
دا ماكانش ملح وعيش
كانت زمان
القفه تلبس خيش
والزير بحته حجر
نعمل عليه خرابيش
دلوقتى كل الناس
مع الموضة
حتى الدبيح الناس
مابتسميش
البنت كات فى البيت
بتربى ضفيرتها
وتخش جوا الحيط
لو جيبنا فى سيريتها
وإن قالوا جالها عريس
كل البنات تنكفى
تقرص فى ركبتها
ياما دقت فيكى
يادنيا حلو ومر
وماحد فيكى
يادنيا بيعيش حر
حتى رئيس أمريكا
بيراقبوه
وان جت له مونيكا تهدده
بيهر
مرت سنين العمر
كر ف كر
وعملنا فيها الخير
وعملنا فيها الشر
والدنيا زى الجمل
صابره وبتحوش
ومسيره بكره الزمن
لولادنا راح يخضر
على قده بتدفيه
ويجيب عيال بالكوم
وفلوسه بتكفيه
ولا عمر واحده ف يوم
اكلت ودان جوزها
ولاحد دس بارود
لاخوه يفرتك فيه
نادر ماكنت تشوف واحد
ل ابوه مجافيه
وان راحله مره البيت
بالحضن عبط فيه
والام لو تشكيه
على ركبه يحبى لها
تفضل تأنب فيه
و يا تِبكى ياتْبَكْيه
والفاتحه والاخلاص
والرقيه كات تشفيه
وان جالنا ساكن يوم
يجاورنا بنعشيه
وتجيبله عود وبخور
ونبخره ونِرقِيه
وان كان ف اول دور
ننزل له ونرقِّيه
كان لسه فينا الخير
والجيره للجيره
دلوقتى كله جديد
قشره ودهب عيره
وان شوفته م الشباك
بيقوللى يااسمك ايه
واحنا اللى كونا زمان
على اسمه بنسميه
الست جوه البيت
كات راضيه بحقوقها
رقعه بفتلة خيط
تلضم وتلفوقها
واللقمه كات تِنْباس
لو فوتنا من فوقها
والشهم كان يندار
ع العاصيه يخنقها
الجبنه م البقال
نلحسها وندوقها
والميه جوه الزير
كونا بندلقها
والمهر كان كردان
والشبكة جوز حلقان
وحصيره للعرسان
والمولى يرزقها
كانت الخيارايه
خاضره بطعم ولون
والشنطه والدايه
قطنايه اوسافلون
وان جه لحامل وحم
بتشم ريحة التوم
دى الوقتى متوحمه
ع الديزنى والكارتون
الخضرة كانت
خضرا وبعروقها
والفاكهه كانت
تيجى على شوقها
والدنيا كان
ليها فى إيدنا زمام
نركب على ضهرها
نسايسها ونسوقها
الفرن كان فى الغيط
والعشه فى بيوتنا
والضحكه هيا الدوا
والشقه ملكوتنا
فوق سطح بيتنا
نرص غلتنا
واللي يعيش جنبنا
كان عمره ما يفوتنا
ياما نمنا من غير غطا
والمش كان قوتنا
والفقر ويا المرض
عمره ما موتنا
كانت أمورنا كلها ماشيه
حتى البغال تحتنا
كات راضيه رفصتنا
كانت زمان أمي
تدلعنى
وان قولت هاقعد
ابنى يوسع لي
وكان ابن بنتي
بيحترم سني
وان قولت كونا وكان
مايقولش إيه ياعنى
الصبر وياالرضا
كانوا سر قوتنا
بهواده كان مشينا
والهمس كان صوتنا
ولو سكتنا
بيفهمونا الناس
حتى طيور البيت
كات فاهمه لغوتنا
كنت أمشى فى الشارع
واعدى مش خايف
عربيه طايشه تشيلنى
أو شباب هايف
دلوقتى فوق الرصيف
طالع يروعني
وان شفت بعمل نفسي
مش شايف
عمري ما كنت اشتكى
من حاجه توجعني
أو أجرس ابني واقول
ياناس مجوعنى
كان راس مالي
عيالي والهدمه
وان قولت كلمه
مراتى تسمعني
كانت زمان المدرسه
لها حوش
وما كنش فيه فهلوه
ولا شغل حلق حوش
ولاكانش يقدر
أى حد يغش
وما كنش فيها
مدرسين بكروش
كان جارى يزعل
لوماناسبنيش
ويعيش معايا مشاكلي
مايسبنيش
وان جيت فى يوم
فى مناسبة ونسيته
بيجيلى بكره يقول
دا ماكانش ملح وعيش
كانت زمان
القفه تلبس خيش
والزير بحته حجر
نعمل عليه خرابيش
دلوقتى كل الناس
مع الموضة
حتى الدبيح الناس
مابتسميش
البنت كات فى البيت
بتربى ضفيرتها
وتخش جوا الحيط
لو جيبنا فى سيريتها
وإن قالوا جالها عريس
كل البنات تنكفى
تقرص فى ركبتها
ياما دقت فيكى
يادنيا حلو ومر
وماحد فيكى
يادنيا بيعيش حر
حتى رئيس أمريكا
بيراقبوه
وان جت له مونيكا تهدده
بيهر
مرت سنين العمر
كر ف كر
وعملنا فيها الخير
وعملنا فيها الشر
والدنيا زى الجمل
صابره وبتحوش
ومسيره بكره الزمن
لولادنا راح يخضر