لا تقطفي. .بقلم الشاعر. .صبحي ياسين

عزالدين جبريل جاد الكريم ▶ ‎همس مصر للثقافة والفنون والابداع (ورعاية المواهب)

احوال
هى فين الانسانيه
جوزو الطفله البريه
علشان حبة فلوس
ياكلو بيها مهلبيه
خدها راجل عجوز
حتة لحمة طرية
وهى زعلانه 
وضاربه خمسه بوز
والسؤال هل يجوز
نقتل فيها البراءة
هى فين الانسانيه
ياللى بتخانق اخوك
علشان ميراث ابوك
بكرة عيالك هيسيبوك
ويسمعو ويكرهوك
والناس تتكلم عليك
وبالخيانه يوصفوك
ولا تاكل حق اختك
اللى تبقى زى بنتك
طمعان ينعدل بختك
ياخى شوف خيبتك
قل الطمع هيبتك
وانت ياعم العجوز
ليةعاملى فيها اراجوز
وبتصحك على عيله
وتعشمها بالجواز
طب هل يجوز
شوف واحدة من دورك
تفهم حتى شعورك
وتكملو المشوار
مش عيله صغيرة
وتغير عليها
وتقلب عيشتها نار
يابت خفى السهوكة
وارمى من بقك اللبانه
وبلاش الطقطقه بالغوايش
معرفش يربى اللى مات
ولا كان هيعجبه الحال
لوكان على الدنيا عايش
يابت ده امك غلبانه
بتخبز للناس الفايش
وانت ياواد لم نفسك
ماسك تليفون محمول
وعاملى بية مشغول
وقاعد لى على كرسيك
لو دى امك بالله كان يرضيك
عيب على اللى رباك
وبرضة عيب ياابنى عليك
دا أنت مدخلتش خير
الفقر مش هو العيب
لكن قلة الاحترام للنفس
عليها العتب والعيب
مهما اغتنيت ومليت الجيب
الشاعر/عزالدين جبريل