ابعدي
------
ابعدي عن حياتي ....... إبعدي
كل شيء ف القلب........ مات
لسّه فاضل بينّا إيه غير السكات
راجعة ليه تاني لغرامي تجددي
ابعدي
بعد ما هدمتِ.......... الآمال
إيه بقه معني.......... السؤال
ماعدش عندي .......لاحتمال
إنسي محرابي وإنسي معبدي
ابعدي
كام قلوب اتدمرت .....ما بين إديكي
خدعتها فيكي رقتك ...وكلام عنيكي
باللي عمر الحب مرة مافات. عليكي
ولكلام الحب بس ............ترددي
ابعدي
الحب أسمي كلمة .تعشقها الحياه
لو نعيشها عمرنا ....مانقولش آه
نحضن الأيام ونلقي الصعب تاه
لو فهمتيها كنت ليها .....تشهدي
ابعدي
سامية سليمان
أم الشعراء
