يقول خايفة!!!!!!!
صحيح خايفة........
لكن شايفة
بصيص خوفك
في جوف القلب
ساكن فيه
علاء الدين
أنا شايفاه
بساط الريح انا ركباه
لكن تايهين
ومش عارفين
حدود الماضى والحاضر
ومين مغلوب ومين شاطر
لكن عايشين
و أحلامنا سحابة صيف
بتعبر أيوة قدامنا
و بتضوى صحيح لكن
بتتحول ساعات فجأة
كأنها طيف
مبتضرش
أهى بتنفع
و حاجبة لينا حر الصيف
بنكرمها و بنودع كتير ليها
على بوابة أحلامنا
وياما خدنا لشهايد
فى كرم الضيف
بقلم
سلوى علي محمد
