خاص وحصرى
علشان خاطر عيونكم
**********
أغنية ماليش إتنين ( كاملة )
***********
ماليش اتنين
*************
أكيد الحب مش كلمه
ومرسومه كده بحرفين
ولا شوق رواه الشجن
كحلت بيه رموش العين
دا بحر كبير من الإحساس
أنا وانت عليه شطين
بلاش تسمع كتير للناس
انا ف حبك ماليش اتنين
************
قالولك عنى قلبى غيور
أنا ف حبك أكيد معذور
جمال الضى ف عنيك
بيجذب ليه فراش مبهور
وأشوف الغمز وبأسمع همس
الاقى الدنيا بيا تدور
وفكرى يتوه مع الوسواس
أخلى عنيا ليك حراس
وابات مقهور
فى كل الناس يحبك مين ؟
دا انا ف حبك ماليش اتنين
***********
بلاش تسمع كلام حاقدين
وشوف انت بعنيك
انا مين
وحكم بينا إحساسك
هاتعرف قد إيه عاشقين
بانام أحلامى بتشوفها
وصوت نبضاتى تعرفها
سعيد وحزين
هاتسأل مين
دى ناس لو عاشوا إحساسى
وشربوا الحب من كاسى
كانوا يقولوا
أنا ف حبك ماليش اتنين
************
محمد عبد المنصف