لا تقطفي. .بقلم الشاعر. .صبحي ياسين

خناقه
====
أنا المجنون ..
وأنا المسجون...
مابين أهلي وبين الناس
ومر الكاس يجمعنا
يتوه م الصورة كام معني
نجيب الوهم بإيدينا
وبعنينا نشوف الحق 
قبال الزور
دماغه انشق
جبان مكسور 
بيتخبى ف ضلام السور
ومش عارف يقول له ( لأ )
ومش قادر يبطل زن
يسيل الدم من راسه
وكراسه واكل راسه
يبيع فاسه بحبه بن
ويكتم جرحه بإيديه
ف ينسي هو عايش ليه
ويمشي ف شله المساكين
شايل قفته لوحده
بيحارب ف ضلام ساحته
يبكي في طريق الفرح
يكركر في عز نوبه جرح
ينام ع الطريق مخنوق
وينسي إنه كان الحق
يشد لحافه يتغطى
ويلعن دا زمن وطى
ويرجع يلفها تاني
محطه جايه بمحطه
يرقع توبه بالأحلام
ويلف بقه بألف لجام
ويجري بدبح القطة
يلاقي القطه مدبوحه
ومطروحه ف طريق الخوف
يقل الشوف يقول حاضر
أنا شاطر 
ويمشي في طريق مرسوم
====
إبراهيم معوض