لا تقطفي. .بقلم الشاعر. .صبحي ياسين

قصيدتي "ليه نلوم".

ليهْ نْلومِ الزمنْ والْكونْ والوَطنْ
إن شُفْنا المِحنْ أو عشْنا الفِتنْ
ليهْ نْلومِ القَدرْ والشمسْ والقمرْ
ليهْ نْلومِ الشجرْ وِنْلومِ الحجرْ

ليه نلوم الكلاب ونلوم الذئاب
ليه نلوم الغراب والبوم والذباب
ليه نلوم الصخور ونلوم النجوم
ليه نلوم الطيور ونلوم الغيوم

ليه نلوم الرياح والحر واللهيب
ليه نلوم الصباح والليل والمغيب
ليه نلوم الرمال والحظْ والخيال
ليه نلوم الجبال والشرق والشمالْ

مشْ ذنبِ الزمنْ بنعيشْ المِحَنْ
مشْ ذنبِ الَوطنْ بنشوف الفِتن
مشْ ذنبِ القدرْ لو سلطان غدَرْ
مشْ ذنبِ القمر لو حتى قهر

مش ذنب النجوم بنعزّ الغريب
مش ذنب الغيوم بنذل القريب
مش ذنب الرياح بتزيد الجراح
مش ذنب الصباح تدميرنا مباح

مش ذنب الصخور في قلوبنا فتور
مش ذنب الطيور عايشين في القبور
مش ذنب الجبال خايفين م المغول
مش ذنب الرمال نايمين في الجحور

من صمتِ العربْ فؤادي اشتَكى
من ذلِّ العربْ فؤادي بكى
مليشْ يا زمنْ عليكْ أيْ ملامْ
مليشْ يا وطنْ عليكْ أيْ كلامْ

وانْتَ يا قدرْ مَفيشْ مهما صارْ
ع احوالك غبارْ أو حتى شنارْ
حقّي ع العربْ إخوانِ الضياعْ
فرسانِ النِفاقْ جدعانِ الخِداعْ

حقّي ع العربْ أبطال السكوت
ابطال الشقاق واللي يْموتْ يِموت
حقي ع العرب بقلوب من صفيح
لو مليون شهيد أو أكتر جريح

حقي ع العرب جهّال الغضب
إلّا ع العرب وبلاد العرب
حقّي ع الشعوب ال ماتت زمان
حقّي ع القلوب ال عايشهْ فْ هوان
د. اسامه مصاروه