لا تقطفي. .بقلم الشاعر. .صبحي ياسين

$$$محتار$$$
للشاعر/صابر الشناوي
محتار وحيرتي
قوس قزح
بكل الوان الحياه
وكل آهات البشر
بضحك وإداري دمعتي
في صوره جدع
ماشي بيضحك للجميع
آل يعني الكل خسر
وهوا بس اللي نجح
محتار وقلبي اللي انجرح
شاف الفرح في خطوط عماه
حلمه طرح بشعاع امل
الوان كتير جواه
وحبه صور مداري فيها
اللي انكسر في هواه
واقف بيعلن للجميع
الكل في الحب فرح
اما انا قلبي انجرح
حيره في خيط
شعاع متعلفه
ما بين لقا وبين
وداع متفرقه
وحقيقه مليانه وجع
وشعاع امل واقف بعيد
خايف يقرب ينجرح
حيره من عدم الوضوح
في كل الملامح والصور
ساعات اشوفك
جوايا روح
وسعات اشوفك
خط وهمي في الخيال
وأوقات اشوف انك محال
وكتير احسك بين اديا
واتاريكي شيء صعب المنال
وكلام كتير كله غزل
وانت ناسيه اني بشر
مداري اللامي والوجع
في صوره جدع
محتار وحيرتي
قوس قزح
راسم على وشي الامل
بآخر شعاع في
حبل افكار البشر
آل ان القدر
اللي جمع قلبي
وقلبك في الهوا
هو اللي لازم ينتصر
يادي الوجع يادي الجدع
بعلنها بوضوح للبشر
الكل في الحب فرح
اما انا.... قلبي.. اندبح$$$