سكوت
_______________
كأني معاك ومش قادر على التوهان
زي الطيش والمجذوب والسكران
زي العمر اللي هملني
وزي الشيب اللي فكرني
وزي الدمع اللي نازل كما البركان
وزي الطيف على عيون
اللي بات حيران
وزي الموج وطعم الثلج ولون الريح
وزي الحكمة من المجاريح
وزي الخوف والهم
وزي الحيرة والنسيان
وزي الوعد اللي ما نسيته
وزي الجلد والظلم اللي حبيته
كأنه ملاك لكن لابس ثياب شيطان
نعيم في عينيك وفيه الموت
وحضن كله حنيه وفيه
جباروت
وزي الفكر اللي ما نساني ولا نسيته
وزي حكاية خلصانه
وكل الناس بتحكيها
وكان ياما كان
قبل الزمان والأوان
قبل البشر قبل الشجر
قبل البيوت
مولود لكن في تابوت
من رحم حزنك
كل عناقيد الحذر
يامحروم من اللمس والنظر
ومن السلام
الحذرما يمنع قدر
جرب كل ألوان الخيال
بس ممنوع الكلام
بلقيس مبتحبش كلام
مكتوب على عرشها
يا. أناني
سمع هوس
الحب أصله سكوت
شداد
