لا تقطفي. .بقلم الشاعر. .صبحي ياسين

لما كان الليل بيرجف
كله خوف
كانت الاشواق بتهتف
كنت اشوف
قد ايه احساسنا صادق
حتي لو وقفت وعاندت
كل اطياف الظروف
عمرها ماقدرت تفرق بين حروف
الكلمتين
اللي في الاحساس تطابق
التطابق في الحروف
كلمة بحبك وانا بحبك
كلمه كان الليل بيرجف
كله خوف
تنتهي والصبح ينزف
كل اسرارنا وينصف الظروف
ليالينا كانت دايما رفيق
فاتحه للاحلام طريق
واحنا ابطالها نحقق كل حلم
نبتدي وننهي حوارها
ودايما الاحساس عميق
كان وكان الليل بيرجف
كله خوف
ع الكلمتين
بص شوف دلوقتي
ازاي بقينا ف كلمتين
العناد ثم البعاد
ضيع الاحساس مابينا
والحروف لاجمل كلام
بص شوف
هتلاقيها نايمه فوق
نايمه علي سطح الرفوف

نزيه تركي