لا تقطفي. .بقلم الشاعر. .صبحي ياسين

(خليك بعيد)

********
ياحلو لما تعدي خليك بعيد
ومن غير ماتسألني بجاوبك
بلاش تخلي نار الشوق تقيد
عدي من غير ما اشوفك
ولا تخليني المح طيفك
عدي وكمان داري العيون
ايوه سيبني في حالي
اكون ياحلو لك ممنون
وابات وانا خالي البال
وادعيلك رب الكون
يسعدك بس عني يبعدك
ياحلو انت في حالك
وفي حالي سبني
أيوة وحياتك كفاية جنون
ياحلو لما تعدي خليك بعيد
اكون انا لك شاكر وده اكيد
وبلاش تعدي
وبطرف العين تناديني
وقلبي يجري عليك
ويسابق اليك عيني
ولما يوصلك تقول مالك
هو كان فيه حد نادلك
واطلع غلطان انا
وغلطان قلبي اللي جالك
من غير مواعيد
ياحلو لما تعدي خليك بعيد
أكون انا لك شاكر
وده شئ أكيد

*******
محمد أبوسداح