لا تقطفي. .بقلم الشاعر. .صبحي ياسين

عين
*******
من بين عيون الليل
بيطل بدر حزين
وف ايده كأس الويل
ودموعه ع الخدين

بصيت عليه حسيت
إن الجميل مسكين
مش لاقى ف الكون بيت
ولا حد يبقى معين

قربت ليه بشويش
وسألته إنت منين
قالى ما تسألنيش
عن شيئ يبكى العين

مديت له كف الإيد
بالورد والياسمين
سابنى وراح لبعيد
ولا قالش رايح فين

من يومها قلبى احتار
واختار يبين زين
يمكن يطفى النار
ويعود له بدره الزين

طبع الحياه غدار
بيفرق الغاليين
ويبنى ألف جدار
بين عين بتعشق عين

*****************
رضا أبو الغيط