***زجلية مغربية تحت عنوان:
*** راسي ي راسي***
بِ لَوْفا ؤُ لْمَعْقُول ، ثَمًرْ عند لقوام سْبُولْ
نَوًرْ صْفَا ف قْلُوبْهم ، ؤُخْضَارِتْ لَعْراسِي
لَقْلَمْ ؤُ لْعِلْم مصون ، ؤُ لكلام جِدي مقبول
ؤُبِ لْعَدْل صَانو حَقْ لْهزيل،فالعدل أساسي
جَنْبُو لفقيرلحكَرة ،ؤُ لْجَهْل وَ لْحال لمذلول
شجعو لفاشل، ؤ ب لعوين م خلاوه يْقاسي
لْمَخْلُوقْ عَنْدهم دين رَاسْ مَالْ كامل مكمول
رباوه عل جد،لْقَنْعَة، ؤثَبْتُو سًاسْ ؤَُلْمَراسي
فَهْمُو لُعْبَة بَكْري، ؤُتسلحو بالصح ؤلمعقول
توحدو لخَدْمَةْ لَبْلاَدْ،ماشي لْخَطْفَة وَلَكْراسي
ؤُحْنا كْفَرْنا ،فَغْرَقْنا فِ لَخْدَع ؤلعقل مشلول
طمع جلانا ف ضيم، ؤُلغة راسي يَ راسي
ؤنت يَ جْهَلْ محموم وليتي فلأرض غول
لا مْرَوًة،لاَ صْفا،ؤعقلنا مسلوب غث راشي
اه ي زْمانْ اهْ، ؤُمَنْ صَرْخَة لْحَقْ لمخذول
ؤ لداسوه تحت رجلين،صْحَابْ لْقَلْب لْقاسي
رَدْمُو لمعقول،ؤصَفْقو للباطل وَ قُبح لْقول
لْقلدةؤلْسان معسول،ؤمكاين غ راسي راسي
فكيفاش يبلادي لَحْلُول، نْبَلغو رًكْب لْمَكْمول
يْنَورْصْفا ف قلوبنا، ؤتَخْضارعندنا لعراسي
***الشاعر والزجال:أحمد الكندودي***المغرب***
