لا تقطفي. .بقلم الشاعر. .صبحي ياسين

#خدوا_مصركم_بين_حضنكم.....#الشاعر_صبرى_أبوطالب
-------------------------------------------------------------

#خدوا_مصركم_بين_حضنكم.....#الشاعر_صبرى_أبوطالب
-------------------------------------------------------------
الخير منين...قولولى ييجى لحدكم
وانتم يوماتى...نهار ليلاتى
سباب و لعن فى بعضكم
ونسيتوا إن اللسان...
شاهد عليكم أو لكم
يا يعزكم...يا يزلكم
يا يخدكوا ع الجنة بسلام...
يا لنار جهنم...هيجركم على وشكم

كله خلاص أصبح إمام...
فى الفَتى أستاذ و الكلام
حتى الخسيس و رفيق إبليس
و اللئيم ابن اللِئَام....
واقفين هناك...شمتانين على حِسكُم
و المُنا كل المُنا...يهدوا كل اللى اتبنا
يفرقوا بينكم هنا...ويكرهوكوا فى أرضكم
ويطيروا طير م الفرح...لما مُناهم يكتمل
و يموتوا فيكوا الأمل...و يشوفوا لون دمكم

يا ولاد بلادى..يا اخواتى يا ولادى
م الغفلة فوقوا لنفسكم...
مدوا ايديكوا لبعضكم...
مصر الوطن...أجمل وطن
بالعين شوفوها و قلبكم
واوعوا تطاوعوا عدوكم
خدوا مصركم بين حُضنكم
#الشاعر_صبرى_أبوطالب