مجاميع وعالية لطلبة عامية
يا دوب تفك الخط
ثانوية عامة وهى عايمة
آخرها شط و شط
هى زنقة فى العمر مرة
نقط على الحروف تتحط
يا إما جامعة للعلم لامة
واما ركنه للبلادة تلط
مش كنت يابنى تشد فيها شوية
تفوت منها بالسلامة تفط
دكتور وعالم واليفط مأرية
غير الوجاهة واكل وز وبط
وللبلادة ايه غير زيوت طعمية
وقاعدة ع الكراسى تلط
واهالى طافحة الكوته يوميه
لاجل مراد وسوسو وطلعت
دروس والدفع حاجة كدا فورية
لاجل الحليوة فى النهاية يتبط
واللى خانقنى يا ناس وأثر فيه
بالغش يعلى يادوب من يفك الخط
وبكرة يبقى طبيب و يتعلم فيه
ويشيل فى كلاوى الناس ويحط
او حارس للأمانة وغيه
ياكل فى الحرام ويمط
والسر هو ثانوية وعامية
متعرف غير اللى يعدى الشط
.......وائل سعيد ..........