عاندي و عاندي ملكيش عندي
الا النسيان ..................
مهما تنادي ...... حبك ماضي
كان ياما كان ..............
الحدوته و جبنا آخرها
ومفيش حتى ذكرى فاكرها
عادي بعادي و خيرها ف غيرها
زي ما قالوا أهل زمان
*******************
كنتي حبيبه و كنت حبيب
و زي ما سبتي برضه بسيب
كلمة كنتي ماهياش عيب
دي المفروض تبقى العنوان
*******************
بيني وبينك مين فينا باع
مين فينا زود ف الأوجاع
حبك قلبي و حبك ضاع ...
و مبقاش ليكي ف قلبي مكان
*******************
انا حبيت و نسيت لياليكي
و نسيت حتي فين اراضيكي ..
و ان كان قلبي اتعلق بيكي ...
انا مش عايز قلبي كمان
سيد صادق
