لا تقطفي. .بقلم الشاعر. .صبحي ياسين

tag.... رحايه ....

.....................

أنا بارمح رمح
مع إني ملازم
عنواني
واقف في مكاني
مابتحركش ..

طب بانهج ليه
ونفسي المكروش
مكروش من إيه
وعقلي مابيفكرش ..

يمكن مخنوق
أو نفسي آفوق
وأطير في براحي
واهد السور
لكن دستور
حلمي المبتور
كسر لي جناحي
مابيرفرفش ..

فاميغركش
وشي المبسوط
مضروب بالسوط
بيداري دموع
وينام موجوع
على ضرب ولكش ..

انا شايف بعنيا
الموت
الناس مش لاقيه
القوت
بتحارب بالنبوت
لاجل نهار الخوف
مايفوت
في زمان الهبش ..

كان نفسي
أكون صفصافه
ولمه بلابل
أو حتى عيدان
في الغيط
وبتطرح لسه سنابل
لاجل آمان
الروح مايضعش ..

كان نفسي اكون
قمحايه
تطمن خوف موجوع
أو حتى رحايه
بتطحن سن الجوع
فيفارق وميرجعش ..
............................
بقلمي الفلاح الفصيح
معوض حلمي
منشأة بطاش
تمي الأمديد
دقهلية