لا تقطفي. .بقلم الشاعر. .صبحي ياسين

#mohamed_sherif
حبيب القلب .
. شعر باللهجة العامية المصرية
https://m.facebook.com/…/a.6044350495745…/1178490408835642/…

حَبيبِ الْقلبْ منْ جُوَه
*****************
حَبيبِ الْقلبْ منْ جُوَه
ومن بَـرَه ونُورْ عَيني
بَحِبكْ حُبْ
مَالُوُشْ آخِـرْ
وَلاَ أوَلْ
وَلاَ في الأرض لُهْ تَانِي
ماَهوا حُبَكْ
الأولْ
*
وَلا قَطْرَه من المطَرَه
شَايِلْهَا الريح
جابتلى يوم خبر عنك
بتبعد ليه وبتفارق
وبِتْطَّوِل
*
بِتوْحشني حكاياتك
ويوحشنى أنادى عليك
وأخاف لاالناس لاتِسمَعني
وانا بانده في عز الليل
بَقول إسمك
*
ولو سألوني عن وصفَكْ
تغير الشمس وتْغَرَبْ
وَلاَ تِقْدَرْ عَلَىَ ضَيَّكْ
*
هَاجَازِفْ مَرَّة وِأَجَرَبْ
وَاقول إسمك
وأمر الله مالوش مهرب
*
هاقول إسمك
وأنادى عليك في كل مكان
بِطُول الْسِكَة
مِنْ بِيتْنَا
لِغَايِة مَادْخُلِ الْبُسْتَانْ
*
ما انا جربت كل طريقه
وحكاية
وكل بدايه بتحولها
لنهايه
*
بَحِبكْ وِانتا مِش حَاسِسْ
ولو حَاسِسْ
بتهرب زَىِ ورْدَاية
خطفها الريح
كَانِتْ بِتْدَاوي قلب جريح
وِمَوْصُوُفْ لُه
الْدَوَاَ حُـبَـكْ
وَانا مشتاق اغنيلك
وَانَا سَاكِن فِي بيت حُضْنَكْ
*
وبعد الشُوك مافَرَّقْنَا
وِجَرَّـحْنَا ليَالي طُوَالْ
يجينا الوَرْدْ يمنحنا
لُقَىَ وِوْصَالْ
يِفُوقْ الحَدِ
يداوي اللى جَرَىَ فينا
مِنِ الغُرْبَه
مَتبْعِدْشِي خَلاَصْ عَنِي
ولاَ تِطَوِلْ
************