ليلة حب
لالي لالي لالي
يانجمة ليلي لالي
لالي الليلة ديا
من أجمل لياليا
ياليلة بألف ليلة
من ألف ليلة وليلة
حبيبي إللي بحبه
هيجيني وأشوفه الليلة
كان الود ودي
ياليلتي إنك ماتعدي
أمانة عليكي أمانة
مدي في طولك مدي
ياقمر الليل العالي
إفرش ضيك للغالي
ع البستان الأخضر
خلي الأوقات تحلالي
يانسايم ليلي تعالوا
دا حبيب العمر بحاله
جاي الليلة يقوللي
على كل اللي في باله
إهدى ياقلبي شوية
بالراحة يافرحة عليا
كفاية عليا الشوق
خد مني مخلاش فيا
ياحبيبي تعالى أوام
حقق لي الأحلام
تعلالي أوام ياعينيا
دا غرامك أحلى غرام
بقلم طارق السيد
