انا مش بكتب الكلمة
عشان صعلوك مايفهمشى
يجينى يقلى ايه يعنى
كلامك ع البحور يمشى؟
وايه الوزن والمعنى ؟
جاوبنى قوام ماترسمشى
وليه نبض الفؤاد حرفك
وليه قلبك مايكتمشى ؟
وليه طبع الغرام دايما
على الاتنين مايقسمشى ؟
وليه دايما شعار قلبى
مع المحبوب ماتظلمشى ؟
وليه حزن العيون لحظة
مايطبق رمشى على رمشى ؟
واقول انا ايه مع االجاهل
وليه حرفى ماعلمشى ؟
ف قلبه ولو شعور عارض
وليه شعرى ماسلمشى ؟
على كف الفؤاد عنده
وليه قلبه ماترجمشى ؟
كلامى لفكر متدهور
انا اتعودت ما الومشى
على اللى اخره ف الدنيا
ورا حبة معيز يمشى