ع الرصيف
..........................
ع الرصيف
مرمية اوجاع الناس
و الاحساس
متسرسب ع الاسفلت
والزحمة
بتدوس علي ايه رحمة
بتنبت حتي حتي ولو علي جمب
و الصورة الواضحة ف الكادر
كوكتيل من الناس
متثبت ف الشارع
والبا رع يقدر بس يفوت
والهلفوت
راكب عربية من النوع النادر
وانا مش قادر
افرد خطواتي
والناس اغلبها مطاطي
مش قادرة تواجه الشمس
والامس
دايس علي حلمي
و انا حلمي ضعيف
دايما يتا خر
ويقف ف الاخر
ف طا بور الاحلام
و الايام
بتاخد مبتد يش
و انا نفسي
زي بقية الخلق اعيش