بأعتب عليك .....ياوطن
عتب....
المحب .....للحبيب
تدفنى ليه ......من غير كفن
وتبيع دموعى ....للغريب ..
.
وان يوم شكيتلك م المحن
تعمل كأنى .... مش قريب
اسأل بساتين ....الشجر
مين اللى كبرها ...وشرب
مر السنين
اسأل ...سواد الليالى
مين اللى نور فجرها
بدموع عنيه
اسأل ولادك فى المحن
مين كبره ....ومين علمه
ومين فهمه ....
يعنى ايه.... كلمه وطن
اوعاك فى.... يوم ياوطن
تنسانى ساعه ما انكسر
دا النخل يوم مابتقلعه
يدبل جريده فى موضعه
ولاشوفت من جريده .سمر ....
ولا كلت من طرحه تمر .....
باعتب عليك...... ياوطن
عتب المحب ....للحبيب
