ــــــــــــــــــــــ
بحس إنك عطر الحروف
ورحيق السطور
كلمتي ماليه كل سمواتك غنا
زي الطيور
يزقزق النبض فترسمك
روحي بمدادي
ولما أدوب ف همستك
ده أمر .. عادي
ما هو إنتي الحبيبه
والخليله ف إعتقادي
مؤمن بعشقك
وتكبر نبتتك
ف قلبي زهور
بحس الحياه في طلتك
يا أجمل حضور
تحسدني روحي بضمتك
وأطلق بخور
وعشقت في أنوثتك
هذا الكبرياء وذاك الغرور
أنا المملوك لنبضك
وف مداراتك بدور
في ليلي إنتي الحنين
وف الضلمه إنتي نور
ـــــــــــــــــــــــــــــــــ
عبدالله عبداللطيف