لا تقطفي. .بقلم الشاعر. .صبحي ياسين

ايه الاسباب ...........
ليه الدعا مش مستجاب ...
مع اننا دايما بندعي ...

زي ما قال الكتاب ...؟!
يمكن عشان ...
معدش ف القلوب ايمان
و لا عشان ...
الرحمه ضاعت من زمان
و العدل متاخد غياب ...؟!!!
**********************
و ايه اللي حصل ....
السم بقي مالي العسل
مع اننا كنا زمان ...
يتضرب بينا المثل
يمكن عشان ....
سيبنا حبل ربنا و زدنا هوان
ولا عشان ....
البركه قلت ف الزمن هي كمان
و الحلم بقي دايماً سراب
**********************
و مين السبب ....
و قادها نار من غير حطب
اللي علينا يبان اسد.........
و علي غيرنا ماسك سيف خشب..؟
يمكن يكون ..........
سيدنا الامام ملهوش عيون ....
و لا يكون ....
جابنا اخرنا ف الجنون ....
و مفيش ع المجاذيب عتاب
ــــــــــــــــــــــــــــــــــ
سيد صادق