مصر للثقافة والفنون والابداع (ورعاية المواهب)
زعق الوابور ع السفر
عييطت ماشين ليه
خدتم خلاص ع السفر
أخرت بعادكم إيه
لوعه وحيره وسهر
م الغربه خدتم إيه
د الغربه تربه وخطر
بتدفن الأحاسيس
القلب يجمد ويأسي
تتبلد الأحاسيس
والعقل يشطب وينسى
كل حبيب وأنيس
قالو زمان قبلنا
اللى بعيد ع القلب
هوا اللي بعيد ع العين
والرزق ما بيدنا
مضمون والرب ضمين
واللي كتبو ربنا
لازم تشوفو العين...
#عاطف صلاح