وحشتيني
———————
وحشتيني ...
وكل الصبر ف ليل البعد
مقدرشي ينسيني !!
مابين شوقي وبين سفرك
وأحساسي اللي يقتلني عشان من نفسي يحميني
وحشتيني........
وأقولها بعزم ما فيا
حاولت املك سنين عمرك ملكتيني ....
رسمتك كل أفراحي باحزانك رسمتيني ..
يا كل الشك جوايا
ف لحظه صدقي ويقيني..
يا كل الضي لعيوني..
يا كل العمر لسنيني..
وحشتيني
يافرحه قلب كان صايم
وكان مهموم ....
بيفطر وكل سنينه قبلك صوم....
يا أول أيد و بتطبطب
وجوه الجنه ترميني !!!!
وحشتيني
يا لحظه صدق
ف عالم كله خداع ونفاق !!
يا حضن أمان
ف دنيا كل مافيها
بعاد وفراق !!!
يا أجمل ضحكه من قلبي
على جبيني ..
وحشتيني
وكل السهد لعيوني و
ميكفيش !؟؟
وروحي وعد لعيونك
ومتوفيش !!
وكل ما أموت فيكي
كأني بعيش..
يا أجمل موته ف عمري بتحييني
وحشتيني