لا تقطفي. .بقلم الشاعر. .صبحي ياسين

تيتانيك

حكايتنا حكاية حب وبانيك

جوه سفينة إسمها تيتانيك

ليناردو كابيريو ودوره كان جاك

رسام وفقير وحياته بلاك

حب فى روز إللي اسمها كيت

حلوة وشيك بنت الإتيكيت

سليلة نسب أعلى الطبقات

والفستان ألا مود برباط

جاك فى المينا لعب كوتشينة

كسب تذكرة على ضهر سفينة

فى يوم بالليل قوي شاف روز جاية

وعاوزه تنط فى قلب المية

مسك فى إيديها وعينه فى عنيها

قالّها كلمة وحست بيها

تنطي فى مية أنط وراكي

تغرقي دوغري أغرق وياكي

أما خطيبها رجل أعمال

سليل طبقات الجاه والمال

 يعزم جاك على عشا سواريه

ياعيني ياجاك راح تلبس إيه

مرات غني حرب جابتله البدلة

قاسها وطلعت لايقة عليه

دخل الحفلة وهو بيلمع

أشيك من أشيك 100بيه

بس الحفلة دي مش عاجباه

قام وقامت روزته وراه

عزمها فى حفلة 

فى ساعة غفلة من طبقتها

ضحكت رقصت حبت 

داقت طعم حياتها

لكن حارس وخطيب روز

زحلقوا جاك على قشرة موز

حطوا فى إيده ياعيني كلابش

ويحلف جاك ويقول ماسرقش

فى نفس الوقت المركب غرقت

راحت روز تنده على جاك

تنقذه وتقولّه أنا روحي فداك

طلعم يجروا وإيده فى إيدها

حاربوا الموت على إيد البحر

أو برصاص على يد خطيبها

لكن جاك فى الآخر ضحى  

بعمره عشانها لأنه حبيبها

آدي حكايتنا وآدي مضمونها

حكاية جمالها فى غمقان لونها

بقلم طارق السيد

......................................

بانيك...... فزع  Panic

بلاك ..... سوداء Black

ألا مود ....عالموضة Ala mode