و كباية رضا و سلام
مع منديل عليه بوسه
و عمره ما قاله تدفع كام
و يدي البنت ميت بوسة
و يرمي ف حجرها بكره
ف تتعلم تكون شاطرة
و عارفة تفهم الفكرة
ما بين البنت دي و الواد
و ايام رايحة مش راجعة
حصل بينا خلاف و عناد
و كام دنيا بقت سامعة
ف ما تقوليش خلاص هانت
و لا بانت... دا قفل الباب
و باع على غفلة احلامنا
و راضي لنا نعيش ف عذاب
خلاص قلبه بقى قاسي
و عامل ناسي ما بيسأل
و مش همه اننا توهنا
و عمالة الحمول تتقل
#فهمي_علي