(حطة يا بطة) بصوتي
من جوه قناة في محطة برنامج حطة يا بطة
هنقدم ليكم فكرة
مع لقطة في حلم لبكرة
شوفت القطة في بق الفار والعصفورة في عينها شرار
وشوفت النمر في عز جنانه في عينه الرعب وديله في سنانه
وشوفت غزال بيطارد فهد وشوفت الفهد بيجري بجد
وشوفت الأرنب نافخ صدره
ضد الذئب في ليلة بدره
والتمساح في البركة بيجري
من قرموط النيل الغجري
والكتكوت إصطاد حداية
فرحان بيقول أهو جاني غدايا
وشوفت كمان إنسان الغاب والنسانيس كاسرينله الناب
وشوفت حمار لابس كرافتة
مذيع برنامج حطة يا بطة
بقلم طارق السيد