الزمن الجميل وبيعدي
والدنيا لا راضية تهدي
وشربنا فيها مرار
والدنيا لا راضية تهدي
وشربنا فيها مرار
دا الدنيا كانت زمان
والسهرة والروقان
والحكاوي بجنب الدار
والسهرة والروقان
والحكاوي بجنب الدار
ونفرشوا الحصيرة وخيشة
ونرص فى الشيشة
وهات ياهزار
ونرص فى الشيشة
وهات ياهزار
ومصلى فريح شجرة
واللي عنده بقرة
كانت بتحلب لسابع جار
واللي عنده بقرة
كانت بتحلب لسابع جار
وكانت اللقمة والبصلة
وكوباية شاي على القصلة
بيكفوا عشرتنفار
وكوباية شاي على القصلة
بيكفوا عشرتنفار
ولما تعدي علينا رتيبة
لا تطلع مننا عيبة
وبنعملولها ستار
لا تطلع مننا عيبة
وبنعملولها ستار
وكانت الأمهات بتتلاقى
ويستلفوا من الطاقة
كوباية وأي خضار
ويستلفوا من الطاقة
كوباية وأي خضار
وأمي تقول إدي
عمتك بنت جدي
دي حبيبتي وإحنا صغار
عمتك بنت جدي
دي حبيبتي وإحنا صغار
دلوقت تعالى شوف
إتغيرت كل الظروف
وبكينا على اللي صار
إتغيرت كل الظروف
وبكينا على اللي صار
الجار بيخبي من جاره
وبيقفل عليه داره
وللفرخة بيعمل زار
وبيقفل عليه داره
وللفرخة بيعمل زار
وكنا زمان نلاقي فرح
قلوب الناس تنشرح
والشعلة تولع نار
قلوب الناس تنشرح
والشعلة تولع نار
ونجهزوا للعريس شقة
واللي يشتغل سقا
واللي يشتغل نجار
واللي يشتغل سقا
واللي يشتغل نجار
فى يومين تكون متشطبة
ونفرشوا على المصطبة
ونسمعوا المزمار
ونفرشوا على المصطبة
ونسمعوا المزمار
والدنيا كانت حلوة
واللي معاه غنوة
واللي يقول اشعار
واللي معاه غنوة
واللي يقول اشعار
وكان النسب بيقوي الروابط
والزواج كان له ضوابط
والدهب حاجة من القنطار
والزواج كان له ضوابط
والدهب حاجة من القنطار
ودفنا الحقد والغيرة
واللي بيقع فى حيرة
بنجروله كم مشوار
واللي بيقع فى حيرة
بنجروله كم مشوار
دا مرة عمي حسين
ماتت بقرته فى البساتين
شدنها بالأنفار
ماتت بقرته فى البساتين
شدنها بالأنفار
ولمت الناس فى ثانية
وجبناله بقرة تانية
ولا همنا اسعار
وجبناله بقرة تانية
ولا همنا اسعار
وإحنا بندفعوا فلوسها
كان الكل بيبوسها
عشان هيفرح ابو عمار
كان الكل بيبوسها
عشان هيفرح ابو عمار
دلوقت تعالى شوف
إتغيرت كل الظروف
وبكينا على اللي صار
إتغيرت كل الظروف
وبكينا على اللي صار
اللي يقولك قريبي باشا
وبيطلع على الشاشة
وبيكتبوا عنه اخبار
وبيطلع على الشاشة
وبيكتبوا عنه اخبار
طيب ياسيدي ماشي
خد الباب معاك ولا تنساشي
هى الحكاية إفتخار
خد الباب معاك ولا تنساشي
هى الحكاية إفتخار
قاعد معانا بتتباهى
وإبنك لستة ما عداها
وكانت شهرته صرصار
وإبنك لستة ما عداها
وكانت شهرته صرصار
دا اللي يتعالى بأهله
يبقى من جهله
واصله حمار
يبقى من جهله
واصله حمار
دا الزمن له مسوقة عوجة
وكل يوم هوجة
اصل الزمن غدار
وكل يوم هوجة
اصل الزمن غدار
والكبير كان ليه احترامه
لو هزرنا قدامه
ما يطلع علينا نهار
لو هزرنا قدامه
ما يطلع علينا نهار
ياوقعة سودة على اللي بيهزر
كانت خدودة تتجزر
كفتة على منبار
كانت خدودة تتجزر
كفتة على منبار
ولا نشرب سيجارة
ولا نلعب حتى بحجارة
قدام عمنا مختار
ولا نلعب حتى بحجارة
قدام عمنا مختار
دلوقت تعالى شوف
إتغيرت كل الظروف
وبكينا على اللي صار
إتغيرت كل الظروف
وبكينا على اللي صار
شباب ياخويا مسقط
ومع البنات ماشي بيظبط
وفاكرين نفسهم شطار
ومع البنات ماشي بيظبط
وفاكرين نفسهم شطار
والزواج بقى عرفي
وغلب منهم نظمي وحرفي
هو الزواج اسرار
وغلب منهم نظمي وحرفي
هو الزواج اسرار
كنا زمان بنحب برضو
وبنصلي لربنا فرضه
فى صيام وفطار
وبنصلي لربنا فرضه
فى صيام وفطار
دلوقت تعالى شوف
ما عدش فيها كسوف
البنات بترقص تقول صافينار
ما عدش فيها كسوف
البنات بترقص تقول صافينار
بترقصي على ايه ياخايبة
بكرة تبقي شايبة
وتتعذبي بالنار
بكرة تبقي شايبة
وتتعذبي بالنار
وكان زمان الحب له معنى
وليلة حب تجمعنا
ولا كنش فيه اشرار
وليلة حب تجمعنا
ولا كنش فيه اشرار
ولا كنا بنشمت
فى عادل ولا حشمت
لو الزمن عليهم جار
فى عادل ولا حشمت
لو الزمن عليهم جار
دلوقت تعالى شوف
إتغيرت كل الظروف
وبنبكي على اللي صار
إتغيرت كل الظروف
وبنبكي على اللي صار
ورمينا الحب فى زكيبة
وخلاص دفعنا الضريبة
وكل يوم إنتحار
وخلاص دفعنا الضريبة
وكل يوم إنتحار
والمساجد ما عاد ليها حرمة
لما واحد ابن صرمة
يفتح موبايله
ويشوش على الأذكار
لما واحد ابن صرمة
يفتح موبايله
ويشوش على الأذكار
أبو ندى