عادل عوف ▶ همس مصر للثقافة والفنون والابداع (ورعاية المواهب)
"#الرِجل_تِدب_مَترَح_ماتِحب"
الرِجل تِدب مَترَح ماتِحب
وأنا أحب دبيب رجلى فى أرضك
وبحب أعاكسك وأعارضك
وأنسج من وحى خيالى حاجات
تنفع أساطير فكسه وحكايات
مش ممكن حد يصدقها
علشان محتاج ألفت نظرك
و أفضل قدامك ومحاصرك
وعينيكى تتوه وأنا بسرقها
انا بحر غويط وإنتى مراكبه
مش ممكن حد يغرقها
ياقصيده وبحلم أكتبها و أكون أنا كامل قُرئها
يابلاد مشتاق إنى أزورها
مانعانى بقوة أسوارها
أنا مهما بلاد ندهت غيرك مش ممكن أجاذف و أدخلها
انا نفسى أكونلك جيش وأقسم
علي إنى أصونك وأحميكى
وأقسم روحى فِرق خاصه
تتحرك فورا من بصه
أنا عايز بس يادوب فرصه
وانا أصبح طابيه على عينيكى
#عفويات
#عادل_عوف