(صديقي الشعر)
صديقي الشعر باكتبلك
ولو اخر قلم في الايد
ولا اخر دي نقطه حبر
ولو قامت عليه الحرب
راح اكتبلك قصيده شعر
ما انا اغلي الكلام عندي
كلامك في الودان بيزن
يا ريت تحفظ حكاياتي
ياريت تحفظلي عندك اسم
كثير كنت الحياه فيا
كثير كنت الامل ليا
حفظت السر في عيونك
ففضحت كل اسراري
فمزعلتش
وقالوا بأنهم فهموا
وانا عارف بانك
سبتهم سعدا
يغني الكل علي ليلاه
وليلي بتاعتي مبتعرفش
يا عاشق للحياه والناس
وكاتب كل أحلامهم
وراسم من إيديك
أفكار
تكون ملجأ في قلب الحرب
والاقي فيك تملي الحضن
يا احن من الايدين والقلب
يا كلمه باقيه من الانجيل
ونزلت ليه وحدي بوحي
ولو قالوا عليك خاين
انا خايف تسبني في يوم
بدون الوحي
ويفضل حلمي نتلاقي
تجيني الصبح او بالليل
معاك الوقت طول العمر
يا صاحبي من صحاب العمر
وساكن في الدماغ والقلب
يضخ الشعر شرياني
فينبض منه وجداني
تنور ليه أفكاري
فتكتبني مع الثوار
مع الناس اللي موجوده
بروح الحق والتغيير
صديقي الشعر بكتب لك