حواء المفترية
*****
روح يا حبيبي مش عايزة اتجوز
لو تيجي جـــانبي تاخد شـــلوت
و ايه يغصبـني علـيك و اتــبوز
و يقولوا جوزك مـش مبســـوط
*****
قال ايه يعني جواز بلا خيـبة
تكنسي تطبــــخي تبني بيوت
لو يــوم تطلـــع منك عيبــــة
هتلاقي كله رقع بالصــــوت
*****
و لا حــماتك تيجــــي تتأمر
و تقول أكلك مــش مظبوط
أبني معاكي هذيل و مصفّر
من قلبوظ ليــه بقي هلفوت
******
لو تخضعي و لا يوم ترتاحي
حتى و لو في القلب يفــــوت
يســهر برة البـيت صــباحي
و أنت بتهري كفاية سـكوت
******
يا اختي و ليه ما حياتك حرة
على ايه ترمي ايديك للحوت
ما تخافي يجي عليك بــضرة
او بالقهر تصيري في تابوت
*****
يا بنات فكرة يا ريت تصيغوها
خــلي في ايدكــم دوم نــــبوت
اوعــي ارادتك يـــوم يلـغـوها
عـــمــــرك يهرب كالقرموط
*******
نعمل إضـراب ع الرجــــالة
نلـعب بيهــم ســـنتر شــــوط
تلقي سيـــــرتهم في الفجـــالة
يخضعوا من غير اي شروط
*****
اسمــعوا مــني حــكاية لبــكرة
يا ما سمعنا قصص توت توت
الحـــرية دي أجــــمل ذكــرى
في دنيا لذيذة اخــرها المــوت
