غلط
.....
جيت ف المعاد الغلط
او الغلط عمري؟
ملفوف ف توب العبط
مغلوب على امرى!!
كات يعنى حلوه قوى
علشان تنادونى؟
و مابين طريق ملتوى
بتبعتروا فجري؟!!
أول حروف القلق
ساعه الوصول دمعه
لما الحروف تندلق
بعيون ماهش سامعه
و بصرختى بعترض
على موكب الضحكه
بسذاجه كنت افترض
لسكتى رجعه!!
ما تحيروش خطوتى
تاتا على العتبه
و تضحكوا سنتى
لو الهموم صحبه
حالفين لاكون زيكم
وأعيشكو من تانى
واناموجه من بحركم
و المركبه كدبه
....
عاطف عبد الحميد
