جربت تضحك
جربت تضحك وطعم المر فى لسانك
وترسم وشك بشكل بشوش والدنيا مغيرة حالك
والدمعة جوه فيك بتموت والهم بيجري فى كيانك
بتعطي البسمة للمحروم وتلقى الحزن قدامك
تنام والدمع فيك مكبوت
وتنادي الفرح فى خيالك
يعدي الفرح من غير صوت
خايف لا تشوفه فى منامك
ويجي الصبح شكله كيوت تلاقي الحزن بيخبط على بابك
ترد تقوله مين ع الباب وايه جابك
يرد عليك بصوت مسموع انا همك وأحزانك
بقلمى فهمى محمود حجازى
