لا تقطفي. .بقلم الشاعر. .صبحي ياسين

قصيده بعنوان........ عريس هولامى

قالت كل شيئ نصيب
ولازم نفترق
علشان طبعك غريب
مشاعرنا تتحرق
أنا عايزه حبيب هولامى
أحركوا بكلامى
مايصحليش ألامى
ولا منى يتخنق
أقوله شمال شمال
أقوله يمين يمين
وتبقى الكلمة ليا
ويرد يقول آمين
صنف الرجاله يخنق
وإحنا مش مرتحين
مبقاش ما بيناأولفه
بندور ع الحنين
.................

قلت لها حبيبتى حاسبى
من غدر البنى آدمين
وخوفى عليكى غيره
وخلصت من سنين
الحشمه ليكى ستره
من  شر الطماعين
ولا إنتى عايزه تبقى
فرجة للمغرامين
ياخسارةحبى ليكى
واللى إتحول آنين
لو عايزه تروحى روحى
هتلاقى معجبين
ولا مره هيسألوكى
رايحه وجايه منين
وتبقى واحده تايه
مطمع للمدمنين
ساعتها علينا قولى
دول خونه وغدارين
................
يابنات عايزه الملاغيه
وتملى طماعين
بتقولوا علينا نخنق
هو إنتوا مش عارفين.....؟
طبع الرجاله حامى
مش جهله وسفاحين
والراجل ضهر ليكوا
لو تبقوا مجروحين
دايما بيخاف عليكوا
وإنتوا اللى مش حاسين

كلمات الشاعر محمد ثروت عبد الحفيظ