الضل بقلم الشاعر محمد سعفان
لما شا لوا الضل م الطريق
نزلت الشمس
تكوي ضهر اللي انحني
والكل تاه ف المنحني
واللي فرد عوده انكسر
لما اتحسر
ع العمر اللي راح ف الخلا
والكلمة عرفت طريق السكات
والاهات
صبحت لحن شايع
واللي بايع ..بايع
لما ضاع الحلم منه
واتكسرت كل المعاني
و الاماني
نزلت تحت الرحاية
و الحكاية
من زمان
ما شية ف السكة الغلط
لمل اختلط الهم بالفرح
واللي انجرح
عاش بجرحه
وسنينه طا لعة تجري
قطر مجري
ما لوش محطة
والهموم ع القلب حاطة
بتبدل الحلم بكابوس
يخنق يدوس
واما صوت الفجر يطلع
يتسر سب الضوء
الشمس ف الدنيا تطمع
بس مهما تطمع
لبد تميل
ماهو ربك خلقها
للضل دليل
............................
محمد سعفان