لا تقطفي. .بقلم الشاعر. .صبحي ياسين

جوانا شيئ بقلم الشاعر اشرف السمان

جوانا شيئ معجون بغربه السنين
ماعرف قساوه وﻻ مات فينا الحنين
جوانا شيئ خﻻ قلوبنا من فصيل السنط
خلانا توهنا بين دروب الصمت
نشفت عيونا الدمعانين
اللى كانو بيدمعو من عزف ناى او صوت حزين
ليه صوت بكانا بنسمعه من غير انيين
على بعض هونا ..بعد ما كنا حنينين
جوانا شيئ غير حيتنا من السما للارض
خلانا خوفنا م اللى جاى خوف البنات ع العرض
محبوس نفسنا من الشقا
وامتى يوم نهدا بقا
ونمسح جباهنا العرقانين .
خدنا ايه من الدنيا غير تعب السنين
عايشين ..ومش ..عايشين
خايفين ..ومش ..عارفين بكره ايه
وهنعمل............... ايه
هنعيش كدا متغربين .......متفرقين
امانه يا بكره ياللى جى
هنكون معاك مرتحين
وﻻ هتبقى زى اللى عدى وخد معاه كل الحنين .
جوانا شيئ معجون بغربه السنين .

جوانا شيئ......

اشرف السمان