مُبتدأ .. جَوابى إلى مَلكِة سبأ
ام العُيون طِعمّه و نبأَ
انَا قَلبى اُجهَّد و إبتدئ
يِزهَق و مَل الإنتظَار ..
الصَبر غَار و مفيِش حَمامَه و عنكبُوت
يغزِل خُيوط تطرِف عُيون النَاظريِن
الكَافريِن بِرسَالتى يا انبيِّا ..
مَليِّت ادارى الحُب و امشى فـِ سكتِك
فَرطنى عُقد مَحبتِك
لُو كَت غلاوّه تَمنى و ادفعلِك الديّه
لا انَا حِمل نَار جَمر الهَوى
ولا ليِا تُقل عَلى الدوَا
انا نِفسى بَس نكُون سَوا
مِن غيِر مَا نبقَى فـِ وش جيِش
طَالقيِن لسانهُم بالكَلام زَى السِهام
و النَاس وشُوش مَعدن و خيِش
و انَا حَقى آعيِش فـِ الحُضن إللِى اقرّرّهُ
لُو كَان يساعنِى و يُؤتمن
واقِف و بَدفعلِك تَمن تأخيِرى
لَما قولتلِك إنى بَحِب ..
و شعُور غَريب لما القُريِّب يقتلِك
عَلشان يعيِش .. متدّمعيِش
اسِف مفيِش اى إِعتذار
غيِر قَلبى واقف اقدمُه و فـِ جُوفى نَار
و صَديقى بيِشد الرِحَال عَلشان مُحال
يِلاقينى عِينى مدمَعه فَيكُون فـِ صَفى
او مَعّ .. الشمتانيِن
وقِف الحُسين و رِماح صِحابُه بتقسمُه
و دمُوع حبايبهُ بيرسِمواْ مشهَد ودَاع
لُو كَان فـِ قلبك ليا بَاع ..
سَكَنى فيِه ياَ صَاحبى لَما اسألِك
فيِن الطَريق
او كُون دليِلى فـِ سِكتى
الدار آمان و ياَ صَاحبى بَروِز خَطوِتك
مَع خطوتِى
تِطلع نِهاية رِحلتى قصِة وصُول
تبِقى إنِت شَاهِد عَ الرسَاله و الرسُول
القَاك فـِ ضَهرى بتفردُه
و تَاريخنا نِفضل نسرِدُه
وِسط الأُناس المُؤمنيِن الطَيبيِن
يا صَاحبى تِكرم الوشُوش مُن اجل عيِن
و انا عُمر عِينى ماَ ابصَرِت
اغَلى مِنكُم فـِ الحَياه
طُوق النَجاه كُان نِن عيِنها البنُدقى
مَعقول يَا دُنيا هتصدُقى
بَعد الرحيِل مِن غير جَوّاب
و هَتفتحى للحُب باب يتحط فيه إسمى ؟
يَا رّسمه مِن بنَات الجِن خَطِت
فـِ الخيال رّسمى
ذَكيه واضحَه طيبّه حِنينه و قُريبَه
اقرّب مِن الشُرياَن فـِ جيِدى
هّب الحَمام مَع طَلتِك
و إِزاى فـِ مَشهّد زَى دا لا يكُون فـِ إيدى
الكُون بإيِدى و اقدِمُه
مع وردَه حَمرا بِلُون وَريدى و دِبلتين ..
و يَا ستِى تِكرم الوشُوش مِن اجل عِين
لُو مِش عُيونِك يِشفعواْ
أشفَع لِميِن ، و مِنين اجِِيب زيِك
فـِ الخِفه و الضِحكَه
و إزاى هَيرقُص قَلبى و تصيبُه ١٠٠ رّبكه
فـِ حُضرِة اى أُنثى غيِر حَضرتِك ؟!
ابلَّغ وعُودِى هَحاوًل إنى ابسطِك
طّعم الحَياه ماسِخ
ما تسَكريه بضحكِتك .
#ملكة_سبأ
#هلال_الشرقاوى