ياحلو ياللى غيابك طال
بَعَتِلَك أنا كام مرســـال
بعتو بسلام ويا ســــؤال
م جابش رد على سؤالى
سؤالى اللى محيرنى
ياهل ترى لسه فاكرنى
ولاَّ البعاد أخدك منى
جاوبنى بس على سؤالى
يا واخد الأشواق وياك
عَلَقّت قلبى وخدتو معاك
بعدين بقى ياجميل وياك
إبعت لى واسأل عن حالى
حالى ف بُعّْدك ضنى وهموم
والفكر فيك حَرَمنى النوم
لو حتى قاعد ولاَّ بقــــــــــوم
صورتك تمللى ف خيالى
عايش وتايه مع فكرى
والعمر بيمُر ويجرى
بُعّدَك ضنانى وحالى بقى حال
ياحلو ياللى بعادك طال
#عاطف صلاح#