بقلم - فهمى محمود حجازى
تذكرت أيام الصبا
والجري في الحارات
فتحركت أحاسيسي
تعيد الذكريات
وماضي عدا علينا ولمة الإخوات
وقلب أخضر جميل
واللعب في الطرقات
وناس كانت مابينا
والوقتي صبحت سكات
وزرع أخضر وبيتنا
وأب فاتني ومات
هزتني ذكرى ودمعه
وحنيني للي فات
وسنين مرت عليا
ما كانش فيها أهات
وطفولة جميلة شقية
وأحلى الأمنيات
وف لحظة لاقتني
ببكي وبفتكر حاجات
و شوق وحنين واخدني للجده والعمات
والجده عماله تحكي
ونعلىي الضحكيات
د الو قت أنا اللي بحكي
وبفتكر اللي فات
واتمنى ارجع بعمري
وأعيد الذكريات