بقلم ـ محمد غبن
هتصدقي لو قولتلك بحلم بيك في نومي واحلامي
عشق الفؤاد غالي وإنت متحكمه وانا مطيع ليك ياغرامي
دخلت جوا القلب من غير إذن من بعدها بقيت كل أمالي
بس وحياة حبايبك أنا مسكين في الحب واحلامي ليها طعم تاني
مش عارف عملت ايه بصراحه شقلبت حالي
اصل بيني وبينك اول مره احس بإحساس كله تفكير
قولت مابدهاش لازم اعرفك إنك جوايا وليك تقدير
تفتكري دا حب ولا ايه ياريت تعرفيني
فجأة لقيتك سيطرتي على قلبي وبحلم بيك
ياريت تفهميني معناه ايه اعجاب ولا حب وليه عقلي بيفكر فيك
يكون دا اهتمام بس بزياده واشمعني انت دون البنات
يابختها وحظها اللي قلبي ينشغل فيها بالذات
بتكون اميره حبي وجميله عصرها حاجه كدا تشبه الحلويات
وإنتي اجمل حاجه مشغول بيها في اليوم يجي عشر مرات
ياريت هتردي علي سؤالي أنا جواك ولا لسه ولا اعمل ايه الزم السكات
واصحي قلبي قبل مايعيش بقية عمره في ازمه من الأزمات
كل اللي اعرفه بقيت بحلم والحلم كل يوم
هتصدقيني لو قولتلك بيصحيني من عز النوم
مش مهم اصحي المهم اعيش معاك مااعيشي لحظه في بعادك محروم