بقلم ـ سعيد عزب
كل ساعه ولينا فيها
عمر تانى
عمر مش زى الاولاني
عمرنا ماشى فى الدنيا.... بحالات
الفرح فيها يصغرك
والحزن فيها يكبرك
وانت واقف مطرحك
لارحت بكره بخطوتك
ولا الزمان يوم رجعك
هى الهموم لو شيلتها
تكسر قلوعك .....وتغرقك
انسى الهموم
واوعى تركب قطرها
علشان ملوش محطه
يركن عندها
وامشى فى طريق التفاؤل ...وابتسم
دا الرب حارس دربها
وعمره يوم ماهيكسرك
خليك معاه واكسب رضاه
تلقى الزمان بيطمنك
وعمره يوم مايعجزك